六號加盟節目圓心願

香港“開電視”的新節目《旅遊達人2出走》前晚首播，六位旅遊達人： RubberBand的六號、謝茜嘉、謝利、羅允芝、林輝及陳韻行於首集播映後，齊齊開直播大談拍攝感受。

今季節目邀得RubberBand的六號加入主持行列，箇中原因原來與節目監製有關。六號透露：“監製係我中學師兄，曾經叫佢得閒帶我見識吓呢個世界。但疫情下冇得外遊，好奇可以點做到旅遊節目呢？節目帶出我哋六個人的心裡想法，我覺得好有意義，又可以圓咗同師兄合作的心願，所以答應拍攝。”他又說：“今次拍攝好興奮、好開心，所有嘢都係去到當日才知道，好似去返讀書時期玩Treasure Hunt咁！”

羅允芝大爆有一集用咗十四個鐘拍攝：“有一刻以為自己性命堪虞，我本住‘今晚一定要有命返屋企’的想法，克服內心最大的恐懼。”她更謂今季《旅遊達人》的目的地是自己的內心世界，“面對自己軟弱一面”。

一眾主持更於直播結束前集氣，希望《旅遊達人》系列開拍第三季。節目組即場回應：“如果開第三季，我哋就去歐洲！去唔到歐洲，台灣都好！”現場隨即歡聲四起，最後謝茜嘉亦祝願六號的演唱會順利舉行。