添榮耀開齋在望

今午六場草地賽，在全闊跑道角逐，頭場兩點正開跑。騎師中野省吾、高君濤停賽，其餘十三人出賽“地莊”見晒。今仗出馬較踴躍形勢緊湊，加上冠軍人物不在陣重心難覓，賽事群龍無首，連場迭爆唔奇，投注執生。

筆者心水推介，第三場二班千二米，林宏基廄“添榮耀”可做馬膽。此駒在澳服役迄未開齋，但同程三戰不脫三甲，上名率高。上次屈居超班馬“追鷹”腳下，雖敗表現仍佳。今仗遇上同場對手不多，可望拼出頭來。

“添榮耀”早熟馬富作賽經驗。外地十戰取二冠一亞兩季，計戰績不差。來澳後屢拼未出頭，但近期逐漸適應環境，走勢腳步見近。拼後小休十天儲火再戰，續由余健雄押陣駕輕就熟。此駒跑均速，直路後上力強，欣逢路合且磅位輕飄飄，形勢有利，開齋在望。