驚悚揚名希治閣

“緊張大師”希治閣（內地譯希區考克），昔日如雷貫耳，近輩已幾無人識。叔父笑言，年輕時至喜同女友觀其片，緊張驚悚，戲院之內，當可充其護花使者。

希公之作，詭譎懸疑，無嘩眾之態，卻懾人於無形，較恐怖片之直白，嚇人有過之而無不及。荷里活芸芸眾生，唯希公有此道行，其作存世，已成經典，至今仍無出其右者，“緊張大師”百年僅此一人。

希公生於上世紀初，一戰期間因“肥仔嘜”得免徵召入伍。廿三歲首執導演筒，影片因“缺水”而無法公映。廿七歲拍《怪房客》，一鳴驚人，即扶搖直上，經典輩出。佢一味靠嚇，不惑之年即奪奧斯卡。

希公入行六十載，拍片逾五十部，亦算多產矣。然雖多卻不濫，盡皆歲月留痕，歷久不衰。片中橋段時作教案，亦時被偷用。唯希公新橋層出不窮，唔怕你偷。

希公為國增光，英女王封佢爵。惟希公無福消受，四十二年前今日西歸，無緣出席封爵盛典。

西門公子