陳山聰靠模仿劉德華入行

明年便入行三十年的陳山聰，早前接受無線娛樂新聞台節目《星光路上》專訪，分享他有趣的入行經歷。原來當年他是劉德華粉絲，還面試《歡樂今宵之四大天王模仿大賽》並順利入圍，為演藝路揭開有趣刺激的第一頁：“我唱咗兩句就畀人叮，當時仲諗住冇機會晉級。點知兩日後真係收到入圍的電話。”

節目組特別找來當年山聰與華仔同台合唱《長夜多浪漫》的珍貴片段，當年山聰年紀輕輕，不但冇怯場，且唱歌聲線激似華仔，唱得十分過癮。後來，華仔帶山聰見其當時的經理人，並給了山聰更大的意外驚喜：“華仔想簽我，我直情呆咗，返去即刻同阿爸阿媽講劉德華要簽我！”

山聰指其當年做歌手由於實力不算強，主要賣青春及賣陽光，可惜遇上九七金融風暴而結束了僅得四年的歌手生涯，後來才轉為拍劇。