劉雅麗父喪起紛爭

歌星劉雅麗丁父憂，靈堂偕母開記招，感激劉德華料理契爺劉山本患病及辦理後事——轟！迎來重砲還擊：“所有費用由我獨力承擔的，有單有據，我睇唔到邊個幫手？聽到感激論，畀着你條氣都頂住啦！”

有聲有圖有單據的網頁，發自“本叔”的大女婿方錦培。他得知劉雅麗在靈堂上公開感激劉德華，即用手機傳訊劉雅麗母親，要求解釋：“點解啲帛金冇拎返出來？本叔的骨灰龕上位都未夠錢。華姐，你是信佛的，帛金一定要用於先人。”網上帖文又指：“如果你咁講，本叔喪禮由你搞，我哋唔會參與。本叔走了，甚麼都沒有留下，只留下我一身債務。本叔骨灰你認唔認？”

“兩個親生女認。”華姐回應：“你要知道，雅麗唔係本叔親生女。”

“佢哋以為劉德華畀咗好多錢我哋，”劉雅麗好勞氣：“因為有些報道使人誤以為喪禮由華仔一手包辦晒。佢哋唔知頭唔知路，以為我哋私呑咗華仔啲錢。其實，華仔係做咗少少帛金。在疫情中，華仔眞係幫咗我媽咪；加上老竇病後，華仔借錢畀我哋，但講明賣咗層樓就要還。”

本叔有四遺孀，但只得三個花圈致祭。有指大太太係三書六禮在澳門明媒正娶；劉雅麗母女屬第三房，八年前才於拉斯維加斯註冊結婚；四太Eva照顧本叔患病期間，居住大房家中，二太已失聯。

靈堂只有三個遺孀花圈，劉雅麗母親的花圈放於當眼位置，“我哋都尊重同畀面佢。”方錦培憶述：“本叔離開當晩，四房Eva打電話畀佢兩母女。對方回應，人都死咗，來都冇用，咁遠。作為髮妻，又唔願去公眾殮房領遺體，出殯時唔肯捧遺照跟靈車；最爆係，問佢認唔認本叔骨灰？”方錦培直指劉雅麗母親竟然回應：“你要知道，雅麗唔係本叔親生女！”

“講乜由佢講，佢傷害緊我同媽咪，令爸爸唔可以安息，不知所謂！”劉雅麗回應。

高 梁