湯怡為網民解答脫髮煩惱

湯怡閒時會在社交平台跟粉絲玩“你問我答”互動，除了分享做媽媽心得，也會當上愛情專家為大家解答問題。日前就有網民遇到產後嚴重脫髮的煩惱，湯怡大方公開產後髮線向上移的照片，指自己產後半年都出現過同樣問題。

湯怡去年六月誕下愛女“麥QQ”，升呢人母後的她很快便回復產前的狀態。但原來她在產後半年曾經有脫髮煩惱，幸而慢慢回復正常。她以過來人身份，向遇到同樣困擾的媽媽分享經驗：“產後脫髮呢個事實好似真係改變唔到，只係睇吓有冇產品可以幫助甩少啲。我產後半年都有甩髮，當時洗頭嚇親自己，成個髮隔都係頭髮，日日如是。當時就諗仲有幾多頭髮要甩？不過之後生返出來喇，開始時生到好似無啦啦短咗一忽咁，過多一兩個月就融為一體。所以你唔使驚呀，係時間問題咋。”