伍詠薇自爆捱餓脫水

由林柏希主持的網上平台BOX channel節目《月傾會》，最新一集請伍詠薇做嘉賓。《金宵大廈2》最新單元《雙魚》呢兩晚播出，伍姑娘於劇中飾演神經質阿媽芬姐，佢為角色刻意減磅，成個人又凹又乾。她說：“《金宵大廈》第一輯，我真係唔係Big Fan，我冇睇晒，不過我知道口碑好受歡迎！我可以參加其中，對我嚟講係少少Cult Cult哋，幾得意，對一個演員嚟講，兩集要完成一個故事，如果寫得唔好，係好大鑊！”

被問有冇介意演蘇皓兒阿媽，一貫真性情的伍姑娘話：“黐線！我之前做過黃宗澤阿媽啦！”她今次為角色更加刻意減磅，“本身我都唔係肥底的人，我特登跌磅跌到去四十七公斤，拍緊的時候唔飲水、唔食嘢再脫水，乾住唔上妝！”伍詠薇因此被讚超級專業！