柏檔明駿追多一次

今日五場草戰，賽前曾落雨，賽事或在變化地角逐，形勢兵凶戰危，賽果爆冷唔奇。前領馮耀正全日兩駒列陣，看來志不在此，捧其場者留待下次。反觀李家輝細倉口五駒出戰，料必有所圖。

輝廄上季馬口有限，致成績平平。經過風雨飄搖的一季，今季兵馬有增，早前一輪攻勢後，至今已取十場頭馬，排名升上第九位，成績反彈。輝廄舊馬已回氣，近期又可派用場，當中有“餐士馬”不妨留意。

第一場：六班千五米。“養魚高興”在澳服役未贏過，評分已減至有利水位，居六班作賽大有可為。上仗千二米闖入位置，表現轉好。拼後增程再來，已有備而戰。回配蔡義武操刀駕輕就熟，遇同組對手無多，拼盡可贏馬。

第二場：三班千五米。“柏檔明駿”連季取六勝六位，跑草地實力表露無遺。上仗千二米排外檔，放至埋門始敗。拼後匆匆再來，轉跑千五米路程無問題。今番負磅減壓，論形勢不吃虧。續由中野省吾掛帥亦駕輕就熟，不妨追多一次。

第四場：四班千八米。“汪臣”上仗同程後追不及飲恨第二，未竟全功，但人馬表現不算差。拼後重新打磨，今番原班原程再戰，路合無疑問。此駒現居此組夠實力，論馬後勁煞食，原配高君濤再來搏殺，欣逢路合檔宜，形勢大好，出閘及時跟順，可一網打盡。