鄧月平拍MV整晚淋雨

鄧月平前日接受電台節目訪問，透露同住的父母及弟弟早前同告確診，身為家中唯一倖免者，她就要四出為家人購買食物。

鄧月平昨日指家人都已康復：“最擔心係細佬曾燒到四十度，所以要睇急診，好彩現在已經好返。真係擔心過會無咗個細佬，我同細佬有好多姊弟情，在我心中，佢好重要，咁細個、咁可愛。”被問她如何在家隔離？她指多數都躱在自己房間，避免同家人接觸。

鄧月平指疫情亦令工作大受影響：“電影與新歌雙雙延期，原定三月開機的電影要延到五月。”新歌原本計劃在二月十四日和MV一同推出，結果前晚才完成拍攝，預計下月十日推出。她說：“更唔好彩係拍MV時剛好落雨，我穿了一件斜膊衫，淋咗一晚雨。幸好今日依然精神，也沒有眼腫。”

鄧月平指今次是成立自家公司後推出的第一首廣東歌，坦言填廣東歌不容易：“我和填詞人合作，一人一半。”對方是她的粉絲，足足填了二十個版本讓她從中揀選。鄧月平笑言：“高手在民間，MV以無人的中環夜景作畫面，配合新歌主題是孤獨，有好多個造型。”至於投資了多少錢？鄧月平笑言唔講錢：“只畀心機，希望與團隊一齊揚名立萬。”