何廣沛與方紹聰拍片講解確診感受

何廣沛與方紹聰早前雙雙確診新冠肺炎，猶幸現已告痊癒。兩人老友鬼鬼，算係“同病相憐”，於是相約拍片、透過網上頻道講解“中疫”後的感受。

方紹聰表示：“我係連續兩日開工，去到第二日最後一小時，發覺把聲變咗，就似吳鎮宇在電影《古惑仔》的靚坤角色般聲沙沙。最初一廂情願地以為是自己嗌得太大聲所致，跟住搭巴士時睡到過站。當睡醒時，見到竟然返回原來上車的車站，足足睡了四十五分鐘，回家後一睡便十八小時，應該是太疲倦的病徵。起身後依然聲沙，最後更傳染咗同住的屋企人。”

兩人差不多時間中招，何廣沛發病時的病徵較多，他表示有發燒、喉嚨痛、咳、發冷，更形容有深灰啡色的痰，但沒有失去味覺及腦霧情況。他更搞笑說：“唔算食全餐，只係常餐。”兩人分享不同病徵，證明新冠病毒對任何人會有唔同反應，“大家唔好掉以輕心”。何廣沛亦提醒說：“唔好心存僥倖，要好好保護自己，中招亦不用太害怕。”

影片最後，由沒有染疫的郭子豪向方紹聰和何廣沛頒發“無敵星星”獎狀，祝賀兩人百毒不侵。方紹聰就說：“講唔上係無敵星星，中完都有機會再中，所以康復後都要繼續小心。”