奧新旋風有權即食

澳馬戰火重燃，今午六場沙地賽，頭場兩點正響鑼。騎師中野省吾停賽，蔡義武刑滿復出聯同原班人馬參戰。綜觀大局戲碼平平，各場出馬熟口熟面，均勢場合缺乏重心，料賽果不會太正路，投注小心推敲。

筆者心水推介，第五場三班一○五○米，摩利高廄“奧新旋風”可做馬膽。此駒在澳首次披甲，論賽前操練夠積極，連番試閘走勢予人好感。今次操足應戰，幕後擺大頭用高君濤主轡，有權即食。

“奧新旋風”四歲馬正值當打之齡，來澳前八戰獲一冠三亞一季，贏馬及入位路程由九百至千二米，可見跑短途合發揮。來澳後操練循序漸進，早前連番試閘及彈閘俱有好速度。今首戰此程路合無疑，由高君濤操刀配搭完整，遇同組對手無多形勢大好，屬重心之選。