伍允龍唔忿被指奀星

伍允龍及安志杰日前為TVB節目《諸朋好友》最新一集做嘉賓，被問及難忘的感情經歷，安志杰指有段時間被稱為“某某人男友”好無奈，令人聯想到當年他與謝婷婷拍拖的經歷。伍允龍亦大表共鳴，但他由頭到尾都沒有提及女方的名字。

當年有傳伍允龍與鍾嘉欣曾拍拖，但之後無疾而終。伍允龍說：“當年我成日畀人叫茄喱啡、奀星，但其實我拍過好多戲，亦好努力去做。好似《賭城風雲》有個鏡頭被車撞，我撞咗成廿五次；又試過由一樓跳落時差啲斷腳，但都冇人知。我唔係投訴，只係唔明白點解焦點會放咗去同邊個拍拖之上。”

問及當年被棒打鴛鴦有冇唔開心？伍允龍說：“係唔忿氣！但長大咗、過咗去喇。當時TVB有幾部劇搵我拍，但經理人覺得我唔適合推咗。”直至他拍劇集《城寨英雄》之後成功入屋，他說：“我想入TVB ，係證明自己可以做到、有自己的價值，讓大家看到我的工作態度。”

被問到受負面影響點解當時不放棄那段感情？他說：“當年是開心的，只係對方因工作問題要收埋我少少，我OK 口架。（你覺得電視台畀壓力你？）我明白當時佢好紅，因為工作要收埋我。呢一行係咁，但覺得呢件事過份咗，變成傷害到我。”