昨賽事總投注逾三百二十四萬

蔡任練騎攜手起孖

昨天草地賽完結。是仗戲碼不弱，六場總投注額共三百二十四萬五千元。

頭場六班混戰賽果開正路。徐錦輝苦戰多時未贏馬，今次騎恩廄“耀昌王子”出閘以快打慢，一口氣直帶到尾，贏來無驚無險。此雙人馬季內屢拼未出頭，上次同程跑第二，未竟全功。今次原裝人馬再戰原程，終憑快放本錢帶返，替馬匹勝回一仗。徐錦輝力拼開齋，史偉恩喜添頭馬。

第二場任布利贏蔡鎮威廄“如意快駒”。此駒上次千二米無功而回，敗後增程再戰，今次轉跑千五米換上任布利主轡發揮不同。騎者留放有度，入直路發力衝刺將對手一網成擒，替馬房建功。同場冷馬“大合金”與“永和”分別跑二三名，Q派逾千二，三重彩派逾十六萬五，中者分到笑。

第三場劉永康爆冷贏高廄“縱橫萬里”。此駒上次跑淋地無功而返，拼後小休再交劉永康主轡，今次場地轉好人馬表現又不同。騎者出閘守好位，待至入直路才發力衝刺，埋門以短頸位挫敗“聖靈大亨”，爆十六倍冷W替馬房建功。劉永康、摩利高攜手添進帳。

第四場牌仔特蘇日贏譚廄“誰愛合金”。此駒上次梁嘵傳贏完再來，今次換上特蘇日出戰。騎者跑來亦有水準，出閘跟前守好位，入直路一攻而破，替馬匹取得三連捷。特蘇日、譚文就齊添頭馬。

第五場任布利丶蔡鎭威攜手起孖。騎者替蔡廄“金玫瑰”主戰，以較佳留放後上挫敵。此駒近期無甚建樹，上次田中正一跑千二米落敗。今次易配任布利再跑原程，騎者發揮得宜替馬匹勝回一仗。

尾場中野省吾食尾餬。此子騎輝廄“保臣”以快放本錢退敵。此駒服役後未贏過，最叻跑入連贏位。上次同程無建樹，今次用中野省吾操刀改變跑法，出閘由頭帶到尾替馬匹打開勝利門。中野省吾、李家輝攜手食尾餬埋齋。