聖靈大亨馬膽之選

今午六場草戰出馬不算多，只有部分場次出足十二匹滿額，但形勢頗混亂，投注宜執生。練者錢健明近期出擊頻添進帳，現以二十W排名次席。此廄今仗七駒應戰，佈強陣已具搏殺意圖，不妨吼緊。

另路人馬劉志森六駒列陣，今仗亦擺明搏殺。此廄季內沉寂一輪後，戰駒經過一段時間減分回氣，近期出擊有收穫。上賽又憑“海洋之星”及“不醉無歸”起個孖寶，令馬房成績扳升。劉志森今季兵馬不多，勝在部署得宜出擊時有把握。今仗遣強駒再拼，馬房

趁勢添食，臨場可留意。

第二場：四五班千五米。“心中意”一向靠後勁食餬。上次千二米無功而回，該仗負頂磅敗不為奇。拼後重來，今於四五班混戰，計馬夠實力周旋。此駒直路竄勁夠強勁，今仗回配張志立操刀人馬老搭檔，拼盡可爭出頭。

第三場：二班千八米。“聖靈大亨”今季連戰無功，拼後唞過再來，馬匹狀態已回升。此駒班底夠厚，跑千八米最拿手。今仗回配高君濤操刀，騎者駕輕就熟易發揮，今遇同組對手弱旅居多，可視作馬膽看待。

第六場：四五班千五米。“鳳煌之星”上仗三四班混戰且遇地爛，敗不足據。拼後小休重來，今於四五班角逐又不同估計。“鳳煌之星”直路竄勁凌厲，回配林凱亦駕輕就熟，憑人馬老搭檔隨時可推翻一切。