快遞奇兵乘勢出擊

今季練者陣營增加了林宏基及何華麟兩位新紮師兄，馬房已近二十個，令競爭更趨激烈。但僧多粥少關係，不少倉口養馬有限，個別廄主無馬在手，焗住同人孖倉。早前老牌練者何鑑森自動棄牌，日前馬會公佈李森同謝貴全孖倉，但以後者為正練。李森在上世紀九十年代由港來澳策騎，當年效力外父佐治摩亞“老摩”馬房做主帥，多年後掛鞭從練。由於曾在港策騎獲不少馬主支持，當年曾躋身大倉行列，獲多項殊榮。近年馬場環境有變，買馬人士減少，李森亦失去不少支持者，致倉口愈玩愈縮，今季無新馬補充只剩八駒，近日焗住同謝貴全孖倉。目前謝、李夾埋有十八駒，倉口兵源不算少又可繼續經營。

王君適上仗展攻勢，旗下“幹細胞”擊敗“耀昌之星”，相信練者在賽前未諗過可贏馬王個幾身位。但跑馬實在無必勝，“幹細胞”一向慢閘且蝕分出戰，此役贏來令廄中人無比興奮。賽後馬匹評分調至一百一十分，屬現役頂班分子，日後參賽能否保持水準要端視練者功夫了。本周只跑周六一次草地日賽，適廄續揮軍單騎搏殺，值得留意。第六場四五班千五米“快遞奇兵”新勝重來乘勢出擊，馬房務求再添進帳。此駒上次初跑同程，憑高君濤較佳留放退敵。此質新馬成熟程度與日俱增，陣上愈跑愈好。“快遞奇兵”現時評分未盡，今次原程續戰，高君濤人馬已有合作經驗，只要交回水準，坐位望贏“無甩拖”。