林宣妤完成隔離出關

“大馬女神”林宣妤年初回馬來西亞參加姐姐婚禮，因疫情關係滯留老家，上月中排除萬難成功回港，入住酒店隔離十四日，日前終於“出關”。她非常享受這十四天的隔離日子，每日都規劃要做的事情，過得十分充實，想做咩就做咩，畫畫、睇書、睇戲、做瑜伽、打坐等等，覺得悶的時候就會打電話畀屋企人傾偈。

此外林宣妤還自修英文，之前上過一些語言課程，學習英文咬字發音，她重溫自己講英文的片段，發現發音不算太準確，雖然音是讀得啱，但力求進步的林宣妤希望讀得更標準。她覺得這十四天的隔離日子比想像中過得快，始終留在馬來西亞兩個月，習慣了慢活，回港後就要適應返香港節奏。出關後她最想去行山，近日天氣好好，不過疫情關係下，除了工作外，林宣妤會留在家抗疫。