冬甩仔趁勢添食

澳馬戰火重燃，今晚五場沙地賽，頭場七點○五分開跑。騎師呂韋勒停賽，其餘原班人馬上陣。綜觀大局，各場出馬不多，但形勢緊湊，低班場合暗湧重重，賽果熱倒冷爆唔奇。投注跟紅頂白，要識得執生。

筆者心水推介，第四場三四班一○五○米，林宏基廄“冬甩仔”可做馬膽。此駒兩贏沙地易如反掌，表現有大幅進步。拼後小休重來，原配張志立復跑開齋路，幕後擺明趁勢添食，憑馬勇路合可謀取三連冠。

“冬甩仔”質新馬實力未盡露，來澳兩戰同程無敵手，令人矚目，反映潛力豐厚。拼後重新打磨，昨朝埋門一課練者親自主試，可見對此駒夠重視。此駒沙地好腳法，跟得鬥得，饒有速度。今次加負三磅原程續戰，料無太大阻力。憑騎者駕輕就熟，可再下一城。