鐵達尼一片功成

廿五年前《鐵達尼號》（內地譯泰坦尼克號）上映，搞亂成個影市，近百億港元票房，至令全球目定口呆。災難加愛情，成為二十世紀電影圈神話，只要主題曲響起，其江湖地位自飄然而至。

卡梅隆捨命一搏，影史留名。五年鹹苦，甚而要買地搭景，耗資之鉅，總算有償。一片功成，帶挈一雙金童玉女，名聲鵲起，亦算功德矣。

男主角片商原屬意曾演《意亂情迷》之馬修麥康納，卡梅隆公執意要里安仔演。里安仔果不辱使命，一炮而紅。琦溫妺冇咁好運，數度毛遂自薦，更寄埋玫瑰花，“我就係露絲，搵我演喇！”卒之畀佢冤到。

上世紀七十年代，《海神號遇險記》為拍攝翻船場面，搭了個天地反轉場景，男廁尿兜反轉吊在半空。卡梅隆公隻鐵達尼號搭得半邊，為營造完整效果，拍另一半時，場景中所有文字全部反轉，咁又畀佢過咗骨。

囊括十一項金像獎，實至名歸矣！

西門公子