陶大宇睇好余德丞做師奶殺手

早前因演唱《倒轉地球》一曲而人氣急升的陶大宇，近日接受香港電台第一台《舊日的足跡》主持車淑梅訪問，大談其演戲生涯及近況。

談到因翻唱劉德華的《倒轉地球》意外人氣急升，大宇笑說：“最近我冇機會見到華仔，但我喺大氣電波同佢打過招呼，希望佢唔好怪我搞到佢首歌咁樣！我只係想帶歡樂畀大家。我會繼續唱落去，因為我相信以後唔唱《倒轉地球》落唔到個台，哈哈！”

大宇坦言入行已三十九年，因為主演電視劇《壹號皇庭》、《刑事偵緝檔案》大受歡迎，有“師奶殺手”封號。談到這封號，原來他當初並不太習慣：“因為當時我仲後生，應該係少女殺手先啱，哈哈。”

談到現時的電視台小生，陶大宇認為洪永城是可造之材，另外他亦欣賞余德丞，認為對方可以成為新一代“師奶殺手”；花旦方面，他就看好蔡思貝。

之前有傳大宇會客串TVB的處境劇，他否認道：“暫時未有收到邀請，若然收到邀請，時間上能配合，劇情又惹笑的話，不排除這個可能性。”