昨日賽事總投注三百三十四萬

錢健明起孖捧盃

昨天沙地賽事完結。是仗出賽馬少戲碼平淡，六場總投注額共三百三十四萬一千元。

頭場五丶六班混戰跑出大熱賽果，馮耀正廄“靈想”余健雄押陣順利掄元。此雙人馬上次大勝對手成條街，今次原裝配搭加負八磅再來。騎者出閘守好位，入直路發力衝刺，埋門挫敗前領馬“創投精英”，替馬房再建一功。“靈想”轉倉後表現脱胎換骨，騎者居功不小，練者亦省靚招牌。

第二場何華麟喜添開倉第二W。旗下“維港智慧”由牌仔梁曉傳主轡，快放走返。此駒上次初跑千二米無功而回，敗後易地再來。今次沙地短途用牌仔減磅出擊，出閘由頭帶到尾，挫敗同場大熱門“騰輝戰神”替馬匹開齋。“維港智慧”跑完被第二名“騰輝戰神”抗議其頭馬資格，經小組研訊後判無效。“維港智慧”頭馬保不失，騎、練齊添進帳。

第三場劉永康爆冷捧盃。此子騎錢廄“勝利皇星”以留前鬥後戰術取勝。此駒連仗落敗後小休再來。今次起用劉永康跑沙地短途成二十倍冷門。騎者出閘守好位，入直路發力一攻而破，替馬匹勝回一仗。劉永康、錢健明攜手捧走“獺祭賀歲盃”。

第四場余健雄搏殺起孖。此子騎張兆煊廄“勇強旋風”以大熱姿態取勝。此駒上次力拼第二未竟全功，今仗原裝人馬捲土重來，雖負頂磅出戰，但贏來兵不血刄，替馬匹補中。兆廄添一W，余健雄梅開二度。

第五場田中正一傷癒復出首W。此子騎謝偉豪廄“盛通寶馬”出閘以快打慢，搶放在前一口氣直帶到尾，爆十倍冷W。此駒上次高君濤草地搏殺飲恨第二。此子今次停賽換上田中正一再拼，騎者不負所托，發揮上佳水準替馬匹開齋。

尾場錢廄起孖，旗下“國金詳聖”由張志立主轡埋門挫敵。此駒上次草地無功而回，敗後轉戰沙地再搏，騎者出閘跟前而跑，入直路發力衝刺一攻而破，替馬匹打破齋砵。張志立喜添頭馬，錢健明捧盃兼起孖食尾餬埋齋。