湯洛雯驚中招發噩夢

本月初無線新劇《隱門》有外判道具工作人員確診，令有份演出該劇的湯洛雯（靚湯）都好擔心。近日她為《隱門》拍劇照，透露因疫情而發噩夢，夢中不停洗手：“我未見過自己咁驚一樣嘢，我噚日發噩夢關於疫情，自己不停咁抹手、洗手，周圍都有事嚇到我好驚，今朝起身嗰陣我都出晒汗，覺得自己受疲勞轟炸，好辛苦。”

早前馬國明透露，女友靚湯有時間就會下廚，靚湯坦言因不想經常叫外賣吃，及擔心增加染疫風險，所以近日經常鑽研食譜及下廚：“費事食來食去都係呢啲，多數都係煲湯，（煮中餐還是西餐多？）中餐多，我哋兩個都鍾意中餐多些。”男友可會下廚？靚湯大爆男友不單不會下廚，就連打邊爐都唔識準備材料。