欣宜長文憶母愛

鄭欣宜悼念母親的文章，“肥肥”沈殿霞泉下有知，也許開心大笑。母女情很戲劇性：“當我最曳、例如蝦（欺）婆婆、突然變Moody黑起塊面冇禮貌唔睬人、講大話……佢眞係會兜巴星我，然後，叫我跪在地上掹住耳仔。”欣宜的回憶仍驚似喜：“最搞笑係，畀佢打完，我梗喊啦；佢就會叫我‘唔准喊’！吓？”

欣宜難以理解“嚴母”的內心世界：“佢一定會叫我‘過來，錫返’。我就會好似隻小胖羊走到佢身邊、貼住佢；佢攬實我，好聲好氣同我解釋我錯在邊度。媽媽會同我解釋，其實，她打我、佢仲痛過我。今年三十五歲了，佢走咗十四年了。”

台灣網民關注到，鄭欣宜三個月後滿三十五歲，就能繼承媽媽大筆遺產了。事實上，沈殿霞生前因擔心女兒年幼、不知如何使用龐大遺產，所以才立下遺囑，規定過了三十五歲才能繼承。

長文悼念肥肥，欣宜每隻字都是深深懷念着旣嚴厲又慈祥的母愛：“無論我有多壞、無論我令佢多失望，最終，佢都會叫我‘過嚟’，然後錫返我。”

愛人與被愛，都很快樂幸福的。失去媽媽的欣宜，悼文中公開尋求“愛人”了：“如果我搵到一個同樣對我不離不棄；當我嘈喧巴閉、跑來跑去、坐唔定嘅時候；當我唔覺意發洩我嘅脾氣在別人身上；突然變Moody黑起塊面、冇禮貌唔睬人；當我唔知點處理問題、瞞騙世界進入報喜不報憂的狀態嘅時候；都能接受我的好與壞，在任何情況下，最終都會叫我‘過嚟，錫返’嘅人，就好咯。”欣宜已毫不諱言在尋求“愛我的人”，“要像我媽媽肥肥一樣”，全盤包容她優缺點；最好係媽媽般心腸的白馬王子啦。能孝感動天嗎？

高 梁