昨日賽事總投注近三百五十萬

高君濤蔡鎮威起孖

昨天草地賽完結，是仗天不作美，賽事在雨中進行。六場總投注額三百四十七萬一千元。

頭場六班混戰千二米。高君濤騎張兆煊廄“永和”後上挫敵。此駒近季屢拼無頭馬交出，今處低班混戰場合發圍。騎者出閘順利跟住六七位，入直路才展開衝刺，埋門前一百米如飛殺上輕取對手，替馬匹取得遲來的頭馬，跑完獨贏有六倍。高君濤熱人贏冷馬，買中者好分。“永和”打水戰生猛，騎、練合作先拔頭籌。

第二場呂韋勒爆冷贏威廄“協會八號”。此駒上季贏完已久無建樹，上次沙地敗後小休重來，今次復跑草地千五米首本路。呂韋勒騎來淡定，出閘跟住三四位，入直路發力衝刺一攻而破，爆十倍冷W，替馬匹取得今季首W。蔡鎮威喜添一W，呂韋勒應記一功。

第三場蔡鎮威廄搏殺起孖。練者贏完“協會八號”乘勝追擊，旗下“延安龍”由余健雄掛帥，以凌厲後勁挫敵。此駒季內表現水準穩定，上次力拼入位未竟全功，今次原配余健雄再來。騎者駕輕就熟，留至入直路發力，撼低對手替馬匹勝回一仗，跑完獨贏有二十四倍，中者分到笑。余健雄喜添一W，蔡鎮威梅開二度，收穫甚豐。

第四場高君濤起孖。此子騎史偉恩廄“微妙玄通”後上掄元。此駒上次中野省吾跑同程得第三未竟全功，今次強配高君濤再拼。

騎者出閘跟貼對手，入直路發力衝刺，埋門險勝對手，贏來“魚生粥僅僅熟”。“微妙玄通”新馬開齋，騎、練攜手建功。

第五場梁曉傳贏譚文就廄“誰愛合金”。此子前幾場座騎無建樹，是場主轡“誰愛合金”，出閘一放迄終，贏來全無敵手，替馬房建功。此雙人馬上次贏後再來，今次贏得更輕鬆。馬匹加分後再來仍未宜輕視。

尾場劉永康爆冷贏基廄“辣得去馬”。此駒上次中野省吾跑來車前倒後落敗，拼後匆匆換人再來。今次改配劉永康打真軍，輕取對手而回，十四倍冷門買中好分。林宏基喜添頭馬，劉永康食尾餬埋齋。