黎瑞恩生日食飯盒

“小恩子”黎瑞恩昨日度過四十九歲生日，她在社交網上多謝各方好友送給她的生日蛋糕和禮物：“我會將大家畀我的利市用作買飯盒給有需要的人，我希望將大家送給我的愛可以分享畀其他人！我試咗啦，那個飯盒真係好食！”她又認為“人一世物一世，最緊要開心”，最後祝願大家平安、快樂、健康。

在疫情下，小恩子沒有搞生日派對，只在家中靜靜地慶祝，最大收穫是食到一份溫暖的生日飯盒。小恩子感恩能夠出生於七十年代：“踏入四字頭最後一年，感歎時光飛逝，日子原來過得好快！不過我慶幸曾經歷過地下鐵開幕、海底隧道通車、第一代手提電話出現、九七回歸、沙士襲港、到現在病毒變種……人生就係咁啦，有開心時、有失落時，但係四十幾年都係咁過去啦，仍然都係冇穿冇爛，真係感恩、感恩！”