昨日賽事總投注三百五十六萬

高君濤三元進帳

昨天草地賽完結。是仗戲碼不弱，六場總投注三百五十六萬六千元。

頭場未勝出馬賽跑千二米。高君濤騎錢健明廄“國金軒”悉先開餬。此駒首次在澳出賽，但臨場不乏捧埸客，獨贏熱至不足兩倍，可見幕後信心十足。騎者出閘快步跟前守好位，入直路發力一攻而破，大熱門贏來兵不血刄。“國金軒”初出即打響頭炮，騎練居功。此匹新馬開竅後料有更進一步表現，下次重來仍可吼。

第二場任布利復出後首次贏馬。此子騎陳俊輝廄“火星代表”，以較佳留放退敵。此駒久無頭馬見面，今季跑過多仗表現漸復水準。上仗用徐錦輝力拼入位，今次改配任布利跑千五米，騎者發揮得宜替馬匹勝回一仗。陳俊輝喜添頭馬。任布利復出後亦開餬。

第三場張志立再贏史偉恩廄“耀昌之星”。此雙人馬近期連下兩城無懈可擊。今次挾兩勝氣勢重臨，被捧成頂頭大熱門，出閘快放由頭直帶到尾，人馬摘取三捷，替馬房建功。“耀昌之星”季內愈戰愈勇，現在頂班群中難尋敵手，已成本地馬王。

第四場高君濤贏劉志森廄“暴風雪”。此駒上季贏完再無頭馬交出，季內多仗亦未竟全功，今次換上高君濤操刀發揮又不同。騎者出閘留守五六位，入直路發力衝刺將對手撼低，替馬匹勝回一局。劉志森贏馬，高君濤起孖。

第五場高君濤中三元。此子贏完“暴風雪”乘勝追擊，是場騎王君適廄“快遞奇兵”，以較佳留放後上退敵。此駒季內屢拼未出頭，今次強配高君濤跑千五米，採留前鬥後戰術挫敵，人馬表現悅目。適廄贏馬交代，高君濤三元進帳。

尾場牌仔梁曉傳爆冷贏馮耀正廄“浩勝駿皇”。此駒上次徐錦輝跑千五米無功而回，今次縮程跑千二米用牌仔減磅再搏。騎者出閘由頭搏到尾，埋門一步險勝對手，爆二十四倍冷W。騎、練食尾餬埋齋。