林夏薇分享入行得着

林夏薇在上月的《萬千星輝頒獎典禮2021》中勇奪視后殊榮，目前正忙於拍攝新劇《法言人》的她，接受潘盈慧主持的無線娛樂新聞台《Star Talk》節目專訪，分享入行多年來的得着。

談到《萬千星輝頒獎典禮》宣佈她得獎的一刻，薇薇坦言：“當時腦子一片空白，真係好難形容，我呢世都會記得嗰刻嘅感覺。”入行轉眼已十多年的薇薇，於北京中央戲劇學院表演系畢業，一步步慢慢捱至今天的成績，她笑言：“好記得當年由冇對白嘅臨記（臨時演員都係演員啦），行行企企拍吓手咁，再由冇對白到同主角有一、兩句對白咁，再由配角去到主角，所有畫面都歷歷在目，好似時間停頓咗咁。我當時上台攞獎其實好想表達畀媽咪聽，好彩我嗰時冇放棄。”

對於贏得視后後備受爭議，她坦言：“這個獎對於我係好嘅開始，係一種鼓勵同肯定，佢係鞭策緊我嚟緊要做好每個角色嚟到回饋觀眾。嗰晚我收到好多電話同訊息，有啲更好大篇文，反而我啲朋友好擔心我，然後我因為咁先留意到原來有人咁覺得，因為嗰一刻真係太多嘢要處理。”