虎年首戰總投注近四百萬

梁曉傳起孖賀新歲

昨天虎年首戰順利完結。是仗戲碼不弱，新正頭吸引不少馬迷入場觀賽。六場總投注額三百九十七萬六千元，創今季新高。

頭場四五班混戰，牌仔梁曉傳騎譚廄“誰愛合金”快放走返。此駒服役後出戰次數不多，跑過幾場後仍未開餬。上次黃世浩跑第六，敗後換上牌仔梁曉傳操刀。此子憑減十磅優惠出閘搶放，由頭直帶到尾，贏來甚輕鬆，替馬匹打開來澳勝利之門。梁曉傳、譚文就虎年賀歲馬攜手先拔頭籌。

第二場林凱爆出錢健明廄“櫻花路”。此駒久無頭馬見面，近期亦連敗多仗評分已減。今於四班角逐長途開正米路，出閘快步跟守第三，沿途貼欄而走，入直路發力一攻而破，爆十七倍冷W，替馬匹取得遲來的春天。林凱虎年開勝門，錢廄旗開得勝。

第三場劉永康爆冷贏摩利高廄“獨步天下”。此駒上次同程跑第六，敗後小休再來，今次用劉永康操刀發揮又不同。騎者出閘快放帶頭，全程貼欄一放迄終。十一倍冷W贏來無驚無險。高廄喜獲虎年頭馬，劉永康功不可沒。

第四場艾比爆賀廄“美麗人生”。此駒上次沙地落敗而回，拼後回師贏馬路程再搏。今次用冷門騎師艾比主轡，出閘由頭直帶到尾，爆出九十九倍驚人大冷W，獨贏派近千二文。艾比、賀蘭杜夫虎年齊開勝門。

第五場何華麟虎年開齋。練者開倉後出馬不多，且迄未贏馬。今次旗下“金星之星”交余健雄主轡，以較佳留放後上挫敵，爆出四十一倍冷W。騎者新年贏馬，何華麟喜獲從練首W。

尾場梁曉傳起孖食尾餬。此子騎王君適廄“譜錄”，以快放姿態一氣呵成帶返，替馬房打開新年勝利門。梁曉傳虎年首戰起孖賀新歲。