生育後演母親更入戲

余香凝今年無意追虎B

天下一將士(One Cool Jam Cast)旗下藝人余香凝(Jennifer)、廖子妤(Fish)、陳穎欣、麥子樂、徐頴堃、余潔瀅、林千渟、梁式昕新春聚首，以開年飯迎接全新一年，祝讀者今年虎虎生威、步步高陞！回顧牛年，眾人不約而同迎接人生大事，余香凝由幸福人妻榮升新手靚媽，展開了人生新篇章。

談到虎年願望，Jennifer希望藉着身份上的轉變，嘗試更多不同角色：“以前演繹媽媽角色都係靠想像，真係做咗媽媽之後，有啲角色同情緒會特別入戲。”是否打算追個虎B？她叫各位等多陣：“過多幾個生肖先啦！身邊無人催，大家見我瘦返，淨係叫我快啲拍嘢。”

身為全場唯一人妻的Jennifer，忍不住向同門催婚：“派利市好開心，希望下年多啲人派雙封利市。”陳穎欣被視為最有力候補，她搞笑謂：“我尊重師兄，麥子樂一日未娶，我都唔嫁，講笑啫！每年做訪問我都話兩年後，其實呢一刻未有結婚打算，因為工作上仲有好多嘢想挑戰。去年試咗好多新嘢，自己都好滿意，嚟緊會有一啲全新工作，例如飲食節目。”

受疫情影響，廖子妤與家人長期分隔兩地，去年年末終於回到馬來西亞一家團聚，令她感動：“兩年幾冇返去，見到屋企人係我全年最開心嘅事！舊年做咗主持，同埋有兩部好重要嘅電影上映，令我覺得好有活力。”衝刺一年，Fish希望來年學會平靜從容，同時有意升呢“魚導”：“每年都話想做導演，希望今年做得到，可以寫出一個故仔。”

大師兄麥子樂在牛年跳出框框，既參演西片，又與友人合資開餐廳，瓣數多多，他寄望疫情早日結束，一切回復正常。而三度主持靈探節目的新晉文青女神林千渟，繼早前主演靈異電影後，近日又與紅人七師傅合作，她笑言：“自己好似同呢方面特別有緣，所以唔會抗拒人哋叫我鬼后。”