泳兒喊住攞獎釋放感受

泳兒 (Vincy) 日前接受TVB娛樂新聞台節目《StarTalk》主播許文軒的專訪，分享推出新專輯《花開溝渠、葉落冰川》的感受。

Vincy坦言自己過去三年一改歌路，推出多首暗黑作品：“初初做暗黑作品不被人看好，他們有啲係出自於錫我、擔心我。可能我畀人感覺係唔鍾意暗黑系列，又或者一向弱質纖纖，擔心我會否Carry唔到，其實我自己最初都唔知道，但我聽到呢啲歌嘅時候好似同佢有聯繫，所以堅持去做，如果令到最初唔信你嘅人或者擔心你嘅人，變成相信你同埋唔擔心你，呢個先至係最重要。好開心依家大家會接受我呢個新面向！”

談到過去一兩年在音樂頒獎禮上感觸落淚，Vincy說：“有啲獎真係冇攞過，同埋我真係冇諗過可以攞，以前唔識得享受得獎，依家比較放開自己嘅心情，直接釋放自己嘅感受，所以大家先至會見到我不顧形象，喊到崩潰。

而且有一段時間大家會覺得我好似消失咗，其實我好唔開心，因為我一直都喺度，而且仲做咗好多嘢，但大家一直見唔到，覺得自己價值好低，好卑微，喺呢個市場仲應唔應該存在，所以當有獎而且大家又認同我去攞嘅時候，我特別感動。”