陶大宇出賀年歌冀長做長有

翻唱《倒轉地球》而爆紅的陶大宇，昨日現身花墟宣傳他剛推出的賀年歌《紅陶大宇喜迎春》，更向街坊大派福袋，甚受歡迎。問他會否為新歌拍MV？大宇表示：“都有，原本日前我想在花墟拍買年花和年桔，以及同街坊互動的喜氣洋洋鏡頭作拍MV之用，可是疫情嚴峻要擱置，最終只能將錄音花絮剪輯製成MV。”

談到這首賀年新歌，大宇表示：“我希望透過這首歌，在虎年帶給大家歡樂。因為就時間，這首歌是在內地錄製，過程都好順利，一個下午已經錄好成首歌。估唔到終於可以擁有一首屬於自己的歌曲，真係超開心。（近來工作不斷，是否豬籠入水？）有工作便有收入啦，最緊要自己開心。我份人好易滿足，初入行時買衫要先睇價錢，現在就會先睇自已鍾意的款式，這已經係好大進步了。總之，長做長有係好幸福的。”