縱橫萬里 直路煞食

澳馬今午六場草地賽，在移欄八米跑道角逐，頭場兩點正開跑。綜觀大局，各場形勢緊湊，馬少場合乃爆冷溫床，投注小心推敲。騎師梁傳曉停賽，田中正一、任布利缺陣，其餘原班人馬出戰。

筆者心水推介，第三場二班千八米，摩利高廄“縱橫萬里”可做馬膽。此駒上次跑千五無功而回，捧成熱門倒灶，令捧場客損手。敗後小休加強磨練，今仗轉戰長途開齋路尤合腳法，高君濤騎慣騎熟可勝此局。

“縱橫萬里”質素尚新，五歲馬未拼殘。此駒跑均速，跟順鬥直路衝刺煞食。上仗跑來極含蓄，敗後重整旗鼓再來，轉跑千八米正合出擊路數。今處此組應佔便宜，同組對手“水貨”居多，形勢有利。續由高君濤操刀駕輕就熟，出閘跟順，鬥直路可將對手一網成擒，不妨優先考慮。