飛龍在天取三連冠

今午上演六場草地賽，各場編排緊湊。近期賽事除人馬多嶄新配搭，更有不少新馬充斥插班，局勢暗湧重重，賽果爆冷唔奇。若要捧練者可留意新紮師兄林宏基，此子開倉後仍未開齋，今仗派多駒搏殺，值得留意。

此外，前領高君濤亦要吼緊。此子今季於龍虎榜一直帶頭，現時頭馬大幅拋開對手，今季再度奪冠機會甚濃。是仗高君濤騎足六場量多且惡，買馬可視為扶手棍。

第二場：五六班千五米。“半畝大兄”連季未贏，表現平平無奇，但質新馬勝在未用盡。上仗沙地敗後再來，今次轉跑草地不同估計。“半畝大兄”賽前備戰工夫做得充分，論馬狀態有增。今仗由高君濤押陣形勢比人強，可替馬匹敲開勝門。

第三場：二班千五米。“飛龍在天”連仗跑千二贏來猶有未盡，馬匹走勢前後兼具。此駒潛力豐厚，全熟後升上一班亦夠周旋。“飛龍在天”近期打磨甚力，論馬狀態勇進。今番增程跑千五米長力可應付。續配高君濤操刀駕輕就熟，可謀取三連冠。

第四場：三班千二米。“盛通精神”上次同程入位，此役雖未贏馬，但馬匹表現有進步。今次走馬換將再來，用上高君濤主轡戰鬥力夠強。

“盛通精神”質新力未見底，今番續跑千二米路合無疑問，憑人強馬壯可勝此陣。