袁富華新片客串演醫師

以香港監獄為題材的電影《逃獄兄弟》於去年初上映時反應理想，投資方火速揼本重新搭建監獄、開拍續集《逃獄兄弟2》，新片計劃本月中上映。

《逃獄兄弟2》續由麥浩邦執導，譚耀文、張繼聰、柏天男、張建聲主演，除了原班人馬有逃獄四兄弟、獄長黃德斌外，續集加入吳卓羲，同時邀得好戲之人袁富華(Ben)客串醫師一角，成為逃獄計劃的關鍵人物。

在續集中，阿譚、阿聲及天男受到吳卓羲威脅而被逼逃獄，當中需要爛賭醫師Ben哥協助，眾人睇準醫師弱點、加上有“賭精”阿聲配合下，幾兄弟在醫療室陪Ben哥賭馬。這場戲中的五位演員要不停叫囂，落力嗌出心水馬匹，點知現場愈拍愈興奮，Ben哥撕彩票，幾個大男人不停擺出騎馬動作、不停爆肚。

阿譚回憶當日拍攝時笑說：“阿Ben玩到好癲，我哋都玩得好開心，輪住爆肚笑，大家拍到唔捨得收工！”天男則透露過程中大家要一齊做賽馬動作：“我們要不斷諗唔同方法令Ben哥飲到啲藥，但每一場馬都輸了，我們就不停想推起佢飲、佢又唔飲，拍得好好笑！”