西維爾碌“卡”冇甩拖

【本報消息】西甲下半季展開，次席西維爾作客卡迪斯爭響頭炮，西維爾人腳牌面佔優，近況不俗，面對主場表現平平的卡迪斯，西維爾有力睇好重返勝軌。

西維爾上戰被巴塞逼和，錯失機會拉近與榜首皇馬的距離，今戰鬥低一班的卡迪斯，非勝不可。西維爾人腳實力肯定有優勢，雖然受新冠肺炎及傷患影響，包括拉美拿、蘇素、拿華斯要休戰，上仗領紅的觀迪亦要停賽，不過西維爾仍有奧甘普斯、拿傑迪、A高美斯等領軍，加上後防有門將保奴、D卡路士把關，實力仍明顯佔優。主隊近況平平，尤其今季主場未贏過。西維爾借人腳之利，可被睇好借機重返勝軌。

西維爾前鋒米亞提醒球隊專心應戰：“球隊今季表現很出色，目前的排名很理想。可以的話當然想挑戰皇馬，但更重要做好自己本份，一場接一場踢好每一戰，這是我們更衣室內部，所有人的共識。我們深信球隊朝着正確的方向進，其他事就留在季尾，看看到時會發生甚麽吧。”

黃潛強勢圖利

維拉利爾主場鬥利雲特，黃潛各項賽事五連勝近況強勢，射手G摩蘭奴近兩戰攻入四球回復勇態，配合艾卡沙領軍，今鬥利雲特佔盡天時地利人和，聯賽四連勝料手到拿來。