呂珊疫境中頻撲登台

實力派歌手呂珊在聖誕節到美國登台，給香港友好“報佳音”，稱為“奇妙之旅”。

奇！不斷撲飛機票急欲返香港，但機票越撲越貴、越貴越冇飛機返香港。這一隊登台人馬，因為美國巡迴的合約已經完畢，正好接上香港、內地登台的好日子。旣早早簽了約，但滯留美國，有何奇謀妙計？

聖誕前夕，呂珊趕返香港登台：“原定由芝加哥經洛杉磯再飛返香港。在芝加哥機場辦理登記手續之際，航空公司職員拋出一句話：唔可以在洛杉磯放低行李！”呂珊呆咗：“以前都係咁，途經各站都須卸低部分行李。今次有行李要留在洛杉磯，因為有些服裝和首飾要還返畀人；但航空公司話唔可以，一定要直接運晒所有行李跟住乘客返回香港。唉，又冇提供任何支援，臨時取消已預訂的機票。”損失六位數字了。

辛辛苦苦“搶”到機票飛洛杉磯後，又面對一個大問題。呂珊話：“因為取消咗香港機票，臨時去了洛杉磯，跟住就撲唔到返香港的機票了。早已安排的工作要延期或取消，又唔見咗一大筆。唯一慶幸的，係好多謝一些藝人朋友，陳潔靈幫我頂咗聖誕、新年商演，我才不用賠錢畀人。”

疫情下走埠，喜抑或愁？呂珊的奇妙旅程亦係前所未有的煩惱：“原本由A去到B一個直航，話取消就取消，唔可以直接去到，一定要經過C或D幾個站才去到目的地，所有更改都要我哋補錢。我自己係一筆錢、成班工作人員又係一筆數，數目非常可觀。精力和金錢花費外，時間！才是最大損失，搭直航只係十幾個鐘，改來改去，又要轉機，要等廿多個鐘。”

仍疫境中奔波的呂珊，要説歸期未有期；但是，香港及內地的黃金檔工作要全部延期或取消，估計又損失數以十萬計。她仍不忘向香港的合作夥伴殷殷致歉。

呂珊新年願望係“立即返港”，繼續接新工作幫補。幸好經理人臨時在美國幫她接到騒：“唔使喺洛杉磯浪費晒啲時間。”

高梁