麥美恩演為食衰神好攰

TVB新劇《愛上我的衰神》將接棒《拳王》，今晚九點半首播。劇中演員除了男女主角外，一班綠葉亦各有特色及精彩之處，網民更點名“識睇梗係睇麥美恩”。

新劇以跨越維度的奇幻愛情做主線，雖然只有短短十集，但前五集與後五集風格卻截然不同，並會以超乎想像及創新的包裝手法，帶出不同的感人貼地小故事。在第二維度人生管理局工作的兩大“衰神”代表“包秀玉”及Santino ，分別由麥美恩及馬貫東飾演，兩人在劇中更是一對歡喜冤家。

包秀玉最大特點是超級為食，因而經常違反第二維度規條，鬧出不少笑話。

麥美恩笑言做食神其實有苦自己知：“當時我剛好要減肥，所以拍戲時好考演技。因為要演到食嘢好滋味咁，又要扮Keep住有嘢食，結果依家練到可以一路食嘢、一路好清晰咁講對白。”

除咗為食，包秀玉亦相當兇狠。美恩早前接受訪問時坦言長期口黑面黑令人相當疲累：“每日收工之後，眼皮肌肉都好攰，因為成日要黑臉，又要出盡力睥人。”