鍾柔美開心唔使當童工

姚焯菲(Chantel)、鍾柔美(Yumi)及詹天文(Windy)昨日一起到會展為冬日美食節演出，三人首次在工作中度過聖誕節，笑說與往年冇太大分別。

ViuTV《全民造星 4》總決賽前晚舉行，三人均表示有留意及欣賞節目。Chantel覺得賽果很好：“全部參賽者都很強勁，特別留意到 Marf（邱彥筒）一出場已經好有型、好特別。”可有留意到一些參賽者唱歌走音？Chantel聲言自己唔係評判：“我只睇整體感覺、出台會否引人起哄和帶動氣氛。”可擔心新女團誕生帶來競爭嗎？她說：“唔會，佢哋跳舞好勁，比我勁十萬倍。要向佢哋好的方面學習，加倍努力練跳舞。”

一直以跳唱為主的Yumi表示完全沒有壓力：“我覺得跳舞有各自的風格，唔使去比較，最緊要喜歡和享受。” Yumi近日病倒，以致聲音吵啞。本月廿一日是她的十五歲生日，她透露生日願望係希望明年能繼續留在圈中努力工作，最開心係唔需要再擔心童工問題。她笑說：“唔需要再限時工作及提早走，我忍咗好久。有時佢哋可以繼續拍攝，而我就要孤伶伶早啲走。”