Mirror喜事重重

姜濤獲封國際突破之星

ViuTV《全民造星4》總決賽前晚圓滿結束，人氣王Marf（邱彥筒）封冠，Gao（沈貞巧）和Day（許軼）分奪亞軍和季軍。身為師兄的Mirror擔任表演嘉賓，跳唱新歌、熱爆全場。

前晚擔任《全民造星 4》演出嘉賓的 Mirror在完騷後接受訪問，AK話睇到比賽“回憶返晒嚟”，Lokman表示好感動：“雖然佢哋有討論過三甲人選，但我就唔敢估。”AK（Anson Kong）說：“我哋唔敢妄下判斷呀，因為呢啲嘢好邪，講錯就大鑊。”

Mirror近日可謂喜事重重，先有姜濤、Anson Lo和Edan（呂爵安）三位成員的歌曲打入五強，一起角逐叱咤樂壇“我最喜愛的歌曲獎”；Anson Lo更奪得今屆MAMA亞洲區最佳新人獎，姜濤獲荷里活雜誌評為“國際突破之星”，令Mirror進一步邁向國際化。

被荷里活雜誌指是香港近廿年來最耀眼新星，姜濤說：“好開心可以有呢個獎項及對我作品嘅認可。希望有更加多香港音樂人畀大家睇到，因為我覺得香港仲有好多人值得畀國際認可。” AL就話獲得MAMA獎項好開心：“好驚喜！以前睇MAMA睇得多，冇諗過自己上到呢個舞台。希望Mirror也有機會踏上MAMA舞台表演。”他表示冇諗過會拿到這些國際化的獎項，當知道得獎後，就在IG多謝這三年來每位給予他機會的人：“希望大家更加留意Mirror跳唱，每一隻跳唱歌也想帶新感覺給大家，無論以個人名義或團隊，也想用跳唱去感染更多人。”問到可會請大家食飯？AK即笑言：“呢次不是請食飯咁簡單，送一層樓。”大家即起哄多謝AL，AL笑住拋出一句：“有能力的話，會！”姜濤對AL說：“你送樓，樓入面的家私我包。”令各成員開心不已，不過AL即刻說：“我都冇咁講！”

對於有報道指因為Mirror幾位成員在叱咤“我最喜愛的歌曲獎”自己人打自己人，令《BOSS》一曲未能打入最後五強。隊長Lokman說：“唔可以講自己打自己，我最喜愛真的就是我最喜愛，我覺得喜愛哪首便投哪首。這不算是太大影響，我們身邊哪一個能拿到獎都開心。（你投票給哪一位？）我沒有投，因為APP難裝，我有些懶。”Edan則希望整個團隊一起拿獎， AK坦言：“結果唔重要，最重要大家去感受過程，大家踴躍去投自己鍾意的歌曲和歌手，這件事反而更好。樂壇好耐冇咁樣百花齊放，熱鬧些！投自己鍾意的便可！”