雷有輝邀愛兒拍MV兼傳衣缽

雷有輝(Patrick)趁聖誕節推出新歌《女同學》，MV已於日前拍攝，更邀來愛兒雷瑋陶(Matt)演繹年輕時的他，周旋於數位女同學之間。

當日MV拍攝現場所見，Patrick甚為空閒，不時指指點點監場。他笑言故事純綷虛構，自己讀書時期並不風流：“今次係導演諗出來的，與我真實生活有好大出入。當年我出名專一，只不過阿仔比我有型，佢值得被十個女仔圍住，所以呢日MV佢先係主角。呢次係順便將衣缽傳畀佢，咁我就可以提早退休，屋企所有開支都交晒畀佢負責。”兩父子默契甚足，訪問期間大爆笑料，互相稱對方為“Pat哥”、“師兄”，完全沒有父子間的隔膜。雷有輝話老婆當日表面來打氣，其實揀新抱為實，搞到囝囝不知所措：“其實阿仔都係得廿歲，唔使心急呀！”

Matt就話今次係當義工演出，笑言自己唔似爸爸咁花心，會專一對待女友：“其實佢以前的新聞我都有睇過，大概知佢嘅情史。今日我純粹係做戲，現實中係一個乖乖仔。呢次拍MV，Pat哥話冇酬勞，最多係請我食飯。佢養咗我廿年，都係時候要回報佢啦。”