鄧麗欣開心與陳輝陽再合作

鄧麗欣(Stephy)獲邀主唱林愛華執導的新片《十二日》主題曲《何日不再來》，該主題曲由陳輝陽操刀譜曲。兩人相隔十四年後再度合作，令Stephy十分期待：“一直好期待他的歌曲，收到後完全冇失望，正！一來十分配合呢套戲，二來令我好感動。好開心可以撮合到我同佢再度合作，大家都好滿意效果。”

Stephy表示歌名是製作團隊之間的共識：“大家都知道成件事係概念延續，所以填詞以至整個製作團隊都覺得歌名都應該有返呢種感覺，好似延續版咁，呢個想法好好玩，好啱主題。” Stephy表示自己向來很期待唱電影主題曲：“因為與平時演繹流行曲的感覺好唔同。拍完《十二日》的畫面依留在我腦海，唱主題曲的過程就好似讓我重新再演一次，係另一種好玩，與唱流行曲好唔一樣。”

Stephy坦言陳輝陽與過去一樣嚴謹，但指導上跟過去卻有不同。她說：“因為係電影主題曲，輝陽會對我的唱法以至點樣透過歌曲營造畫面等要求都多咗。不過我同佢係同一個星座，所以比較明白佢，用咗唔係好長時間就錄好呢首歌。”