張崇基與弟開告別演唱會

張崇基及張崇德兄弟將會舉行跨年騷，也是他們最後一次返回伊館這個發跡場地開騷，二人說別具意義，會份外珍惜。他們接受無線節目主持人許文軒訪問時，說到年底的演唱會命名《最後的基會難德演唱會》，言下之意是最後一次開騷，崇德解釋：“一來阿哥已經移居加拿大，未必時時有機會返香港搞騷，疫情之後有好多變化更加難估計，而且今次係第十次開演唱會，第十次好似好圓滿！”

他們又說：“最唔捨得係粉絲，我哋一步一步行到呢度，有好多粉絲第一日已經支持我哋，但佢哋好慘，以前話畀人知鍾意我哋會畀人笑，我聽到嘅時候好心噏，點解我做歌手，做到鍾意我哋嘅人會畀人笑。”兩兄弟互相感謝對方，崇基謂：“多謝上帝畀我一個咁好嘅細佬，我性格比較浪子，好多時感覺唔係好積極，但細佬一直推動我行，如果唔係佢親力親為落手搞第一次嘅演唱會，我根本冇可能繼續唱下去。”