薛家燕拍廣告孫仔探班

薛家燕今年續任馬來西亞芋禮品籃廣告代言人，日前為新廣告拍攝期間，有神秘嘉賓現身贈興，令家燕姐笑到見牙唔見眼。

家燕姐鍾意熱鬧，往年開年及做節都會一家人食飯慶祝，盆菜更是必備。家燕姐話：“我哋一家人一定食盆菜！第一係方便，第二係一齊食飯夠熱鬧。今年新年都準備食盆菜，‘撈起’更加要啦！最緊要係風生水起。我代言呢個飛機運過來的撈起同盆菜，希望大家食到皆大歡喜。”

廣告拍攝期間，有個神秘嘉賓出現，就係家燕姐孫仔Julian。她說：“今年又係我個仔幫手拍攝，我新抱就帶個仔來探班。我一見到孫仔，就問佢要唔要同我唱《皆大歡喜》呀？佢就嘻嘻嘻笑。Julian同我玩咗一陣，我想佢入埋鏡，但個仔當然話唔好啦！”