陳柏宇令金句王拜下風

香港的演唱會早已變成“講唱會”了，陳柏宇開個唱，洋洋灑灑加料“棟篤喊”，開場即從三歲時父母離異講起、入兒童之家，一直講到疫情，經歷娓娓道來，間中唱了幾首情景交融的歌。

臨完場前五分鐘才高潮爆炸：“有請嘉賓！”“天王”黎明上台即爆金句，卻原來他滿肚怨氣上台的。黎天王自爆在後台等了個多小時才出場：“我入行咁耐，只要我早到，運氣就唔好。今晚原定九時半出場，八時五十分我已經到咗，但現在已經係十時二十分。唔關你事，你全力表演緊，邊關你事呢？”

出騷忘形，怠慢天王，陳柏宇鞠躬道歉。金句王回應：“今晚原本諗住唱《越夜越有機》，點知變成越夜越眼瞓。唔緊要，呢行就係咁，呃呃口氹口氹就一世。我已發覺，講老實說話嘅係朋友；口氹你歡喜、呃你嗰個就係摯友。”黎明繼續講老實話呃你：“我本來想叫你努力！加油！依家唔使啦，柏宇你已經係好好嘅歌手。”

陳柏宇好想做好多嘢：“上次演唱會在二〇一八，這三年來，有許多轉變，大家經歷過好多事。但我最希望的，係究竟何時可以除口罩睇演唱會？何時可以坐飛機去探家人？”一邊唱歌，一邊大講語帶傷感的“棟篤喊”：“我們面對無常，隨時面對失去，要時刻珍惜。做人，除了對得起自己，仲要對得起你嘅愛人，以及愛你嘅人。多謝你哋令我珍惜每次上台機會，係你哋令陳廣偉成為陳柏宇，沒有你哋，我甚麼都不是。”

演唱會是娛樂，為了開心而非為了添愁而來的。面對“金句王”，居然咁多嘢講，難怪黎明抱拳一拱，尊稱陳柏宇為“師兄”了。

高 梁