郭秀雲每晚攬鸚鵡瞓
女星郭秀雲昨日聯同兒子龐景峰、陳庭欣、七仙羽、羅蘭、蔣麗萍女兒陸慧鈞等,出席“象義行”慈善步行啟動禮,宣揚禁止象牙貿易。
郭秀雲向來喜歡做慈善,昨日更攜同領養僅一星期的鸚鵡現身。談到剛領養的鸚鵡,她笑指有一晚打邊爐期間,鸚鵡突然於工人姐姐身邊講Hello,結果工人姐姐被嚇到連湯帶煲飛落地,非常搞笑。
郭秀雲又透露每晚攬實鸚鵡瞓,火速與牠建立感情:“老公未習慣佢個嘴咁大。其實佢之前唔係咁鍾意鸚鵡,但自從一年幾前帶隻鸚鵡去行山,期間鸚鵡甩鍊飛咗去山下面棵樹上,當下老公唔理自己有懼高症,飛身去救佢。後來有熱心人士幫老公上返來,返到屋企見佢面青口唇白,佢才講原來係可以咁錫隻鸚鵡。”