陳柏宇紅館尾場唱到喊

陳柏宇 (Jason) 的紅館演唱會前晚舉行尾場演出，邀來已為人母的方皓玟擔任嘉賓，兩人在台上大談湊仔湊女逸事。演出期間，Jason 因為太投入演唱會主題的故事而一度哽咽。

前晚的尾場演出，Jason 狀態大勇，愈唱愈有，全晚唱足三十二首作品。唱至《逸後》一曲時，Jason 卻突然淚崩，哭至面容扭曲，有半首歌不能唱下去。現場揮動手機燈光的觀眾隨即全場大合唱代他完成歌曲，場面感人。感人的場面還有連續兩晚都睇足全場的 Jason 女兒Abi，忽然在席上大叫“爸爸”；更想唔到的是 Jason 聽到女兒呼喚後即時作回應，場面十分溫馨。

在尾聲環節，Jason 指因為要成就今次演唱會 Fight For 的主題，所以有很多歌很難放進故事的歌單中，但他在 “安哥” 時把所有準備好、仍未唱的歌曲如《I Miss You》、《霸氣情歌》、《你瞞我瞞》、《固執》及《永久保存》等十首作品一一送上，完全滿足觀眾的渴求，演唱會亦在熱烈的歡呼聲中結束。

演唱會後，Jason表示心情興奮又輕鬆：“因為開這演唱會已經講咗兩年，籌備過程中經歷好多變化，心情不停起伏。但呢兩晚演唱會我好享受！有擔心過狀態，怕發揮得唔好，因為呢兩年冇乜機會唱咁多歌，但依家完成咗，真係好開心。”被問為何會唱到喊？他指被演出的故事情節所感動：“《逸後》呢部分係講離別，眼見好多人移民，一個一個咁走，進入咗故事，所以頂唔住。”