海俊傑否認係爆料人

海俊傑前晚現身無線舉行的東華慈善節目並參與玩遊戲，近期他接連有兩套台慶劇出街，《星空下的仁醫》演奸角、在《十月初五的月光》演暖男角色，他笑言感受到觀眾的兩極反應：“之前的那套劇，一出街就畀人嗌院長，之後就話我乞人憎，跟住就問可唔可以同我影相，今次就做返暖男。”

談及張惠雅(Regen)日前在專訪節目中，揭海姓藝人是當年篤爆她介入陳法拉及薛世恆婚姻的“爆料人”，前晚海俊傑說：“經理人講起我才知，我覺得一頭霧水！我和 Regen 是拍劇集《有房出租》時認識，之後有十年冇見面，不明白為何有這個新聞出現。”有指 Regen 稱放料人是姓海，他笑說：“的確很少人姓海，因為 ‘無人性’。但我不知道此事，人家的口，我封唔到也阻唔到，但我冇講過，也完全唔知咩事，我也不會八卦女士跟誰拍拖，整件事係得啖笑。”