欣宜終於捱出頭

父母是最紅藝人，鄭少秋、沈殿霞的女兒，頭上頂着兩個光環的鄭欣宜，甫出道即踏上人生最高潮。當年香港迪士尼開幕，她扮白雪公主，竟然惹起觀眾喝倒采。超過三百六十人去信香港廣管局投訴，指有關場面“嚇親小朋友”。之後，欣宜掙扎藝海，浮浮沉沉。

從不放棄的欣宜，今年有兩首作品成為五台冠軍歌，成績驕人；入圍“我最喜愛女歌手”五強，更有望奪取叱咤頒奬禮的“女歌手金奬”……氣勢正盛之際，討論區有網友為欣宜開Post：“有冇人想幫欣宜平反？”

“現在，要對你講返一聲對唔住！”帖文有超過四千七百個正評，多年來見到欣宜的努力和實力……“其實，佢只係衰肥，細細個時就人云亦云，見佢肥就笑佢，抹殺佢成個人。依家同佢講返一聲對唔住，其實佢係好唱得，壓到台，係現今香港少有嘅實力唱將。”

網友坦言：“佢入到行可能係靠關係，但做到今日咁嘅成績，係靠佢自己。”不用追究誰對誰錯，其實——欣宜在變，網民也在變。有人大讚她默默耕耘，推出不少好歌。亦有網民表示，曾經與欣宜合作，指她為人Nice又有禮貌，“未見過咁有教養嘅明星。”欣宜知道自己入圍叱咤“我最喜愛女歌手”最後五強，感動落淚道：“我曾經係最唔受喜愛的女歌手，現在，大家會投我一票，我覺得自己已經贏咗！”

不少人以為，有星爸、星媽，欣宜一定贏在起跑線上，但衆所周知，她在起跑線上仆到直的。當年《兒歌金曲頒奬禮》，欣宜演公主，向王子獻吻，浪漫的鏡頭掀起熱議，指為“核突”，令人不安，封為“世紀之吻”。有網民惡作劇，對吳卓羲表示同情。

學成於加國的欣宜說，“選擇咗香港做我的家，就算呢度嘅人全部都唔要我，我都唔可以放棄。”幸好欣宜從來自信滿滿，最近還教人扮靚，拍攝教學影片，介紹化淡妝心得。素顏的她，睇落精神都唔錯。

高梁