昨日賽事總投注二百五十六萬

兩騎一練搏殺起孖

昨天沙地賽完結，六場總投額共收二百五十六萬五千元。

頭場六班混戰熱門馬取勝。余健雄騎馮耀正廄“靈想”出閘快放到尾，大勝對手多個身位。此駒服役後未贏過，至多跑入二三名。近期轉投馮廄重新操練，今次轉倉後初出即勝，贏來似脫胎換骨，令人刮目相看。馮廄贏馬交代，余健雄喜添今季第二W。

第二場馮耀正廄起孖。練者頭場開餬乘勝追擊，旗下新馬“飲就兄弟”由高君濤主轡快放走返。此駒首度出賽即捧成不足兩倍熱門，騎者出閘快步搶先，全程一氣呵成帶返，大熱門贏來兵不血刃。新馬初出表現悅目，跑沙地腳法成熟，下次再出仍堪追捧。高君濤贏馬，馮耀正起孖寶。

第三場牌仔特蘇日騎劉志森廄“聖靈之都”爆冷開齋。騎者前晚首度出賽，騎兩場無功而退。今仗騎“聖靈之都”上陣，憑後勁挫敵。此匹劉志森廄馬王今次用牌仔，減十磅搏殺得手，獨贏九倍算好分。特蘇日、劉志森騎練齊開齋。

第四場高君濤起孖。此子騎謝偉豪廄“盛通之星”大熱掄元。此駒季內連拼不逞，練者今次起用大師傅高君濤博殺。騎者發揮果然不同，出閘快步跟前守住第三位，入直路展開衝刺，埋門將對手一網打盡，大熱門贏來不負幕後所托。“盛通之星”開齋練者有交代，高君濤一口孖寶收穫不俗。

第五場梁曉傳贏譚文就廄“力奇寶寶”埋門力壓廄侶“肥肥白白”，替馬匹取得今季首W。此駒上次梁曉傳跑短途得第三，今次原配重來轉戰一三五○米，全程力拼到底，贏來清脆俐落，替馬房建功。

尾場余健雄贏“金槍勇士”起孖食尾餬。此雙人馬上次一三五○米無功而回，拼後重整旗鼓再來。今次轉跑短途出閘一放迄終，贏來全無壓力，替馬匹打勝利門。貴廄喜添頭馬，余健雄起孖食尾餬。