楊潮凱首次執導青春片

楊潮凱日前接受娛樂新聞台節目專訪，談到花了六年時間成為電影導演，楊潮凱感觸落淚：“多謝屋企人！由訓練班開始到拍第一套電影，條路真係好難行。爸爸媽媽好擔心我的生活問題，我又未必有好好的生活畀佢哋，我覺得自己有虧欠。好開心睇完首映之後，佢哋話好自豪有我呢個仔！”潮凱亦感激太太一直在身邊：“識咗太太好耐，成個過程佢都睇見，睇住我拍戲時候承受的痛苦。能夠得到團隊、家人及觀眾的支持和認同，好大感觸。”

潮凱與另一導演兼同學吳詠珊合作拍攝一部青春片，他指原因是因為看過《那些年我們一起追的女孩》後甚有感受。他說：“世界各地都有青春片，點解好似香港冇？而且二○○三年係好值得香港人記住的一年，正正那一年爆發SARS，我好記得自己戴住口罩去會考，所以作為我的第一套戲，我好想記錄一下呢個時段。”