譚俊彥唔認造勢爭視帝

譚俊彥(Shaun)與朱晨麗前晚一起排練本周六舉行的慈善籌款節目“歡樂滿東華”，Shaun表示會合作表演跳舞及魔術：“本來我提出變走朱朱，可是她太重，搞唔掂。”

Shaun早前在台慶表演跳舞，今次再表演跳舞，他笑說：“上次表演跳舞之後，朱朱話只要自己唔覺得尷尬，尷尬的就係別人。不過今次有好多舞蹈員，加上朱朱跳舞又叻，應該冇問題。我又會玩火，有一定危險性，我有兩個拍檔會食火，我就變走啲火。（會唔會變走朱朱？）我有提出過，不過佢太重，搞唔掂。”近日頻頻曝光，Shaun被問是否為爭視帝造勢？他否認此說法：“咁啱有工作安排，我好少推工作，有工作就做。之前做完《男神廚房》，再做東華就可以休息，今個聖誕終於可以陪小朋友。”

朱朱透露的今次表演是未有藝人做過的，加上有一定難度，她擔心會有失誤，感到有壓力。她說：“當日收到通知要做的時候都好大壓力，我唔係專業人士，咁睇得起我，就當係挑戰！我連生日都掛住練習，有好多朋友約我食飯，我都話唔得，要講聲唔好意思。（完全冇慶祝？）生日之前有少少慶祝，唔係所有朋友都一齊，之後再補祝。”緋聞男友何廣沛可有送上生日禮物？她笑說：“你哋問返佢。（有冇其他異性約你？）排緊隊，男女都有。”